LES CHAPELLANIES

Item oultre les 4 prebendes chanoniales appartiennent a ladite eglise parochielle de Meerbeque cing chapellanies appartenas a 5 divers chapellains lesquelz comme les chanoines sont tenuz et obligiez avec les 4 chanoines aux 7 heures canoniales dicelle eglise est asscavoir :

La chapellanie Saint Pierre

La chapellanie St. Pierre lez leglise paroichielle de Meerbeque appartenant presentement a Messire Guill. Vierendeel pbre. vault en revenues dismes adcenissemens des prez terres et dautres foinz et prouffiz de 9 a 10 livres groz par chnn. an

Item appartiennent a ce chapellain ung maire et sept hostes et hommes jugeans qui ont la cognoissance et judicature des adheritements et desheritements de toutes les terres et heritaiges qui de lui sont tenues a cause dicelle chapelle et qui lui paient chens et rentes et de faire aussi les oeuvres de loy requiz et necessaires a chargier de rente ou de gaignier jus a loy aucunes parties dicelles terres ou heritaiges

Item et pardessus ce quil est obligie ausdits heures canoniales est tenu a dire et celebrer une messe pour chnn. jour en ladite chapelle Saint Pierre

De kapelaan van Sint Pieter doet een dagelijkse mis in de Sint Pieterskapel.

Redactie : we vinden verschillende artikels van de rente van St. Pieter terug in de Cossatenrente.

La chapellanie Notre Dame

Appartenant presentement a Messire Gilles Le Wilthase pbre demourant en la ville de Nieneve vault pardessus lostele et demeure dicelle chapellanie situe lez latre de leglise tant en rentes revenues adcenissemens des prez terres heritaiges comme en autres emolumens la somme dentre 4 a 5 livres groz par an

Items ur lesquelles rentes revenues emolumens et prouffiz est tenu et obligie ledit chapellain a dire et celebrer deux messes basses par chnn. sepmaine a lautel notre dame situe en icelle eglise a telz jours que bon lui plaist

Item et avec ce est tenu a dire et celebrer icellui chapellain illec une autre et la tierche basse messe par chnn. jour de dimenche tantost apres la louaton. faicte du corps Nre Seigneur Jesus Christ de la grant messe et pardessus ce une messe a note par chnn. hour de samedi du matin a dire et chanter laquelle messe il est assiste par le coustere , le maistre et gouverneur des escoles et daucune des escoliers

Item laquelle chapellanie est presentement desservie par Messire Pierre Vinque prbre qui pource recoit et lieve a on prouffit toutes lesdits rentes revenue prouffiz et emolumens dessusdit et si a demeure aussi en lostel de ladite chapellanie et pardessus le tout rent et paye Messire Giles le Wilthase 14 livres 8 solz parisis franchement par chnn. an

De kapelaan van OLVrouw doet een zaterdagse gezongen mis , een zondagse mis en 2 missen in de week.

Redactie : we vinden verschillende artikels van de rente van Onze Lieve Vrouw terug in de Cossatenrente.

La chapellanie Sainte Berlinde

Appartenant presentement a Messire Michiel Lievins pbre demourant en la ville dEnghien vault pardessus lostel et demeure dicelle chapellanie situe lez latre dicelle eglise tant en rentes revenues adcenissementsdes prez terres et heritaiges comme en autres emolumens et prouffiz la somme de 3 livres 4 solz groz par an

Item sur lesquelles rentes emolumens et prouffiz ledit chapellain est tenu et obligie a dire et celebrer 4 messes par sepmaine a lautel Ste Berlinde estant a ladite eglise a telz jours que bon lui semble

Item est desservie presentement par Messire Pierre Pipenpoy alias Le Fevre qui pource prent et lieve a son prouffit toutes lesd. rentes revenue emolumens et prouffiz reserve 2 muys de blef mesure de Lennique ou 6 livres parisis quil paie franchement audit Messire Michiel pour chnn. an

De kapelaan van St. Berlindis doet 4 missen per week

La chapellanie Sainte Croix

Appartient presentement a Messire Henri Scellinc pbre demourant en la ville de Brouxelles et vault en rentes revenues emolumens et prouffiz la somme de 2 livres 16 solz groz monn. par chnn. an

Item est tenu et obligie a dire et celebrer 3 messes par chnn. sepmaine a lautel Sainte Croix a telz jourz que bon lui semble

Item est desservie pntement par Messire Cornille Olart qui prent tous les rentes etc. et en paye audit Messire Henri la somme de 20 solz groz par an

De kapelaan van het Heilig Kruis doet 3 missen per week

La chapellanie du Saint Esperit

Appartenant presentement a Messire Jehan Bitenbier le jeune lequel meismes desserve et excercie vault en rentes revenue etc. la somme de 36 solz groz par an dont surce il est tenu a dire 2 messes par sepmaine a lautel dudit Saint Esperit estant en ladite eglise a telz jours quant lui plaist

Item pardessus lesquelles 2 messes ledit chapellain est tenu a dire une autre et troisiesme messe audit autel Saint Esperit par chnn. jour de lundi qui y a este funde par feu Claes Abeels dont pource il a et lieve par chnn. an 10 solz groz qui a ce ont par ledit feu Claes este donnez et legatez

De kapelaan van de Heilige Geest doet 2 missen in de week wanneer het hem behaagt
Hij doet ook elke maandag een mis gefundeerd door wijlen Claes Abeels
Merkwaardig is dat deze kapelaan zelf de missen opdraagt

Autre chapellanie

A laquelle appartiennent 2 messes basses a dire par les jours de mardi et jeudi en chnne. sepmaine en lautel St. Jehan Baptiste lesquelles messes ont este fundees parcydevant par feu MESSIRE JEHAN DE MASMINES en son vivant chevalier seigneur de la terre et seignourie de Wedergrate , de Larne , de Loueveghem de Zomerghem et qui pour la fundation dicelles a donne et legate certaines terres et heritaiges qui valent a ferme entre 20 et 22 rasires de blef mesure de Lenneque par chnn. an et laquelle chapellanie appartient aussi a Messire Bitenbier

Item lequel feu Seigneur en ordonnant et fundant lesd. messes a volu et ordonne que a chacune dicelles messes soit sonne par une grant cloche et une petit ensemble tout autrement que lon ne fai aux autres messes dessusdites et que a icellui oyr viendront et comparreront en ladite eglise 3 povres femmes lequelles icelles messes durant seroient tenues prier pour le salut de son ame dont pource leur seroit par les mains des gouverneurs des biens du Saint Esperit et a chnne. dicelles messes donne et distribue pour chnne. sepmaine :
ung lot de cervoise de 5 deniers parisis et ung pain blanc de 5 deniers
et une cotelette de drap blanc pour vestir par elles dessoubz leurs robes par chnn. an
et pour ce lesdits messes sont encore pour le jourduy appellees WITTEBROOTMESSEN

Item et pour faire lesquelles aulmosnes ledit feu Seigneur achatta et acquist en son vivant certaines revenues et rentes quil vault estre receues et levees et des deniers venans estre faictes lesdits aulmosnes par les gouverneurs des biens dudit Saint Esperit qui sont pour le temps ausquelz pour ce que communement ilz font eulx deux il legata a chnn. deulx pour les paines et diligences quilz font a faire lesdits aulmosnes 6 solz parisis a prendre par eulx desdits rentes et revenues

De kapelaan van deze fundatie doet 2 missen in de week genaamd de Wittebrootmessen. Hij doet deze op Dinsdag en Donderdag. De stichting gebeurde door wijlen Jan Van Massemen , voormalig heer van Wedergrate .

Het was bepaald druk in de kerk van Meerbeke , op weekdagen waren er 21 missen door de kapelaans per week.